మీడియా పవర్, అమరావతి, మార్చ్ 02: మాజీ మంత్రి వైఎస్‌ వివేకా హత్య కేసులో ఐదో నిందితుడు శివ శంకర్‌రెడ్డికి కడప కోర్టు బెయిల్ నిరాకరించింది. కడపలో రిమాండ్ ఖైదీగా ఉన్న దేవిరెడ్డి శివశంకర్‌ రెడ్డి బెయిల్ పిటిషన్ వేయగా ఈ రోజు విచారణకు వచ్చింది. అయితే ఈ పిటిషన్ కోర్టు తిరస్కరించింది. పిటిషనర్‌ తరుఫున న్యాయవాది కోర్టులో తన క్లయింట్ అనారోగ్య కారణాలతో రిమ్స్‌లో చికిత్స పొందుతున్నారని ఆయనకు బెయిల్ ఇవ్వాలని వాదించగా సీబీఐ
న్యాయవాది ముద్దాయికి బెయిల్ ఇస్తే సాక్షులను ప్రభావితం చేసే
అవకాశం ఉందని కోర్టుకి తెలిపారు. సీబీఐ చేసిన వాదనలతో ఏకీభవించిన కడప కోర్టు నిందితుడి బెయిల్ పిటిషన్‌ను కొట్టివేస్తున్నట్లు వెల్లడించింది.
