మీడియా పవర్, అమరావతి, 02 మార్చ్ 2022: నేడు జగనన్న విద్యాకానుక రెండో విడత పనులను త్వరగా ప్రారంభించాలని రాష్ట్ర విద్యాశాఖ మంత్రి ఆదిమూలపు సురేష్ అధికారులను ఆదేశించారు. జగనన్న విద్యాకానుక సంసిద్ధతపై అధికారులతో ఆయన సమీక్ష నిర్వహించారు. ఈ సందర్భంగా ఆయన మాట్లాడుతూ అదనపు తరగతి గదులకు అంచనాలు వేయాలన్నారు. 2022-23 సంవత్సరానికి అదనపు తరగతి గదులను సిద్ధం చేయాలన్నారు. జేఈఈ మెయిన్, ఇంటర్ పరీక్షల తేదీలు ఒకే రోజు రానున్నందున ఇంటర్ పరీక్షల తేదీలు మార్పు అంశంపై సమీక్ష నిర్వహించనున్నారు. పరీక్షల వాయిదాపై ప్రభుత్వం ఇంకా నిర్ణయం తీసుకోలేదని ... పాఠశాలల్లో అవసరమైన అదనపు తరగతి గదులకు సంబంధించి వెంటనే అంచనాలు రూపొందించాలని ఆదేశించారు. పరిపాలన అనుమతులు తీసుకుని వెంటనే పనులు ప్రారంభించాలన్నారు. జాతీయ విద్యావిధానం అమలుకు పూర్తిస్థాయిలో తరగతి గదుల నిర్మాణం జరగాలన్నారు. రెండో విడత ఎంపికైన పాఠశాలల్లో అన్ని మౌలిక వసతుల కల్పనతోపాటు సీబీఎస్ఈ నిబంధనలను అమలు చేసేందుకు చర్యలు తీసుకోవాలని అధికారులను ఆదేశించారు.
