మీడియా పవర్, అమరావతి, 03మార్చి 2022 : వ్యవసాయరంగంలో రాష్ట్రాన్ని అగ్రగామిగా నిలబెట్టడమే కాకుండా రైతును రాజును చేయడమే ప్రభుత్వ లక్ష్యమని ముఖ్యమంత్రి వైఎస్‌ జగన్‌మోహన్‌రెడ్డి అన్నారు. క్యాంపు కార్యాలయంలో జరిగిన స్టేట్‌ క్రెడిట్‌ సెమినార్‌లో బుధవారం ఆయన పాల్గొన్నారు. స్టేట్‌ ఫోకస్‌ కరపత్రాన్ని 2022-23ను విడుదల చేశారు. అనంతరం మాట్లాడుతూ గ్రామ స్థాయిలోనే పెద్ద ఎత్తున సంస్కరణలు చేపడుతున్నామని చెప్పారు. ఆర్‌బికెల ను ప్రాతిపదికగా తీసుకుని వ్యవసాయ అనుబంధ రంగాల్లో గణనీయంగా మౌళిక సదుపాయాలను ఏర్పాటు చేస్తున్నట్లు తెలిపారు. ఆర్‌బికెల స్ధాయిలో డ్రోన్లు తీసుకు వస్తామని, వీటిని నిర్వహించే నైపుణ్యాలను గ్రామస్ధాయిలోనే అభివృద్ది చేస్తామని తెలిపారు. రాయలసీమప్రాంతంలో కరువు నివారణపై ప్రభుత్వం దృష్టి పెట్టిందన్నారు. ప్రైమరీ ప్రాసెసింగ్‌ సెంటర్లు, గౌడోన్లు, కోల్డ్‌ స్టోరేజీలు ఏర్పాటుతో పాటు వ్యవసాయ ఉపకరణాల్లాంటివి ఏర్పాటు చేస్తున్నట్లు తెలిపారు. పార్లమెంటు నియోజకవర్గాన్ని యూనిట్‌గా తీసుకుని పార్లమెంటు నియోజకవర్గ స్ధాయిలో సెకండరీ పుడ్‌ ప్రోసెస్సింగ్ యూనిట్లు కూడా ఏర్పాటు చేస్తున్నట్లు తెలిపారు. సహకార బ్యాంకులు, సొసైటీలను బలోపేతం చేస్తున్నామన్నారు. ఆర్‌బికెల్లోని బ్యాంకింగ్‌ కరస్పాండెంట్లు, బ్యాంకులు సొసైటీలకు అనుసంధాన కర్తలుగా వ్యవహరిస్తారన్నారు. బ్యాంకులతో కలిసి కార్యాచరణ ప్రణాళిక సిద్ధం చేయాలని అదికారులను ఆదేశించారు. 20-21 ఆర్దిక సంవత్సరానికి గానూ జిడిపి 8.9శాతంగా నమోదైందన్నారు. 2022 పిబ్రవరి 11నాటికి దేశ వ్యాప్తంగా బ్యాంకులు ఇచ్చిన రుణాలు రూ.115 లక్షల కోట్లు అని, ఈ విషయంలో ఏటా 7.86 శాతం మాత్రమే వృద్ది కనిపిస్తోందన్నారు.జిడిపి పెరుగుదలతో సమాన స్ధాయిలో ఇస్తున్న రుణాలు కూడా ఉండాలని సుస్ధిర ఆర్దిక ప్రగతికి ఇది చాలా అవసరమన్నారు. ఈ విషయంలో కొత్త వ్యూహాలదిశగా అడుగులు వేయాలన్నారు. కోవిడ్‌ -19 విసిరిన సవాళ్ల నేపథ్యంలోకూడా 60శాతం మంది ప్రజలు ఆధారపడ్డ వ్యవసాయం, దాని అనుబంధ రంగాలు 4.16శాతం ప్రగతిని సాధించాయని చెప్పారు. ఈ సెమినార్‌లో పంచాయతీరాజ్‌శాఖ మంత్రి పెద్దిరెడ్డి రామచంద్రారెడ్డి, ఆర్ధికశాఖ మంత్రి బుగ్గన రాజేంధ్రనాద్‌, వ్యవసాయశాఖ మ ంత్రి కు రసాల కన్నబాబు, సిఎస్‌ డాక్టర్‌ సమీర్‌శర్మ, నాబార్డు చైర్మన్‌ డాక్టర్‌ జిఆర్‌ చింతల బ్యాంకుల ఉన్నతాధికారులు పాల్గొన్నారు.
