ఏ పార్టీకైనా నాయకుడికైనా కార్యకర్తలు, ప్రజలు రెండు కళ్లలాంటి వారని అన్నారు. కార్యకర్తల కళ్లలో వెలుగు, వారి కుటుంబంలో సంతోషం ఉన్నప్పుడే ఆ నాయకులు పది కాలాల పాటూ ప్రజా జీవితంలో కొనసాగుతారని ఎమ్మెల్యే కోటంరెడ్డి తెలిపారు. 65 రోజుల్లో 5019 మంది కార్యకర్తల నివాసాలకు వెళ్లానని వారిలో 1072 మంది కార్యకర్తల పరిస్థితి అత్యంత దారుణంగా ఉందని తెలియజేశారు. అందుకే 400 మంది కార్యకర్తల కుటుంబాల పిల్లల చదువుల బాధ్యతను పూర్తిగా తానే తీసుకుంటున్నానని, వాళ్లు చదివినంత కాలం ఆ కార్యకర్తల కుటుంబాలపై ఫీజుల భారం లేకుండా ఆ భారాన్ని తానే బరాయిస్తానని ప్రకటించారు. మరో 672 మంది కార్యకర్తల కుటుంబాల ఎదుగుదల కోసం తన వంతు సహకారం అందించానని కోటంరెడ్డి వెల్లడించారు. తనకు ప్రజలకు మధ్య వారధిలా నిలుస్తున్న కార్యకర్తల సంక్షేమం కోసం, వారి రాజకీయ గౌరవం కోసం తన వంతు కృషి చేస్తానని హామీ ఇచ్చారు.
ఇద్దరు కార్యకర్తల పిల్లలు సివిల్స్ చదవాలని కోరగా వారి కోచింగ్ బాధ్యతను పూర్తిగా తానే తీసుకుంటున్నట్లు ప్రకటించారు. ఈ ముగింపు కార్యక్రమంలో నగర మేయర్ స్రవంతి, ఎమ్మెల్యే కార్యాలయ ఇంఛార్జ్ కోటంరెడ్డి గిరిధర్ రెడ్డి, విజయ డైరీ ఛైర్మైన్ కొండ్రెడ్డి రంగారెడ్డి, వైసీపి నగర అధ్యక్షులు తాటి వెంకటేశ్వర రావు, మాజీ మేయర్ భానుశ్రీ, 30వ డివిజన్ కార్పొరేటర్ కూకాటి ప్రసాద్ తదితరులు పాల్గొన్నారు.
