మీడియా పవర్: ఉక్రెయిన్‌లోని ఖ‌ర్కీవ్‌పై ర‌ష్యా చేస్తున్న కాల్పుల్లో భార‌తీయ
విద్యార్థి ఒక‌రు మృతి చెందారు. మృతుడు క‌ర్నాట‌క‌కు చెందిన న‌వీన్‌గా
గుర్తించారు. న‌వీన్ ఉక్రెయిన్‌లో వైద్య విద్యార్దని తెలుస్తోంది. ఈ
మృతిని భార‌త విదేశాంగ శాఖ కూడా ధృవీక‌రించింది. న‌వీన్ కుటుంబీకుల‌తో తాము
సంప్ర‌దింపులు జ‌రుపుతున్నామ‌ని భార‌త విదేశాంగ శాఖ పేర్కొంది. ‘ఖార్కివ్‌లో జ‌రిగిన కాల్పుల్లో భార‌తీయ విద్యార్ధి ఈ ఉద‌యం మృతి
చెందాడు. తీవ్ర విచారం వ్య‌క్తం చేస్తూ ఈ విష‌యాన్ని ధృవీక‌రిస్తున్నట్టు విదేశాంగ శాఖ ప్రకటించింది. వారి కుటుంబానికి ప్ర‌గాఢ సానుభూతిని తెలియ‌జేస్తున్నట్టు తెలిపింది. మంత్రివ‌ర్గ
స‌భ్యులు న‌వీన్ కుటుంబంతో నే ఉన్నారు. ర‌ష్యా, ఉక్రెయిన్
రాయ‌బారుల‌తో విదేశాంగ శాఖ కార్య‌ద‌ర్శి మాట్లాడుతున్నారు.
భార‌తీయులంద‌ర్నీ సుర‌క్షితంగా త‌ర‌లించాల‌ని డిమాండ్ చేస్తున్నారు. అలాగే ఈ
రెండు దేశాల్లోని రాయ‌బారులు కూడా ఇదే ప‌నిలో నిమ‌గ్న‌మ‌య్యారు’ అంటూ
విదేశాంగ శాఖ అధికార ప్ర‌తినిధి అరింద‌మ్ బాగ్చీ ట్వీట్ చేశారు.
