‘‘2014-15లో రూ.11,569 కోట్ల మద్యం విక్రయాలు జరిగేవి. 2021-22లో రూ.24,714 కోట్లు మద్యం విక్రయాలు జరిగాయి. రూ.11వేల కోట్ల నుంచి రూ.24 వేల కోట్లకు ఆదాయం పెరిగిందా?లేదా? డిస్టిలరీలను నడుపుతోంది జగన్ బినామీలు కాదా? చంద్రబాబు హయాంలో డిస్టిలరీలను తెచ్చారని చెబుతున్న జగన్ వాటిని ఎందుకు రద్దు చేయడం లేదు? తెలుగుజాతి ఉన్నంతవరకు చంద్రబాబు బ్రాండ్‌ ఉంటుంది. జగన్ తరహాలో చంద్రబాబుది చీప్‌ లిక్కర్‌ బ్రాండ్‌కాదు. మద్యం ద్వారా వచ్చే ఆదాయంతో సంక్షేమ పథకాలు ఇచ్చే ముఖ్యమంత్రి ఉండటం మన దౌర్భాగ్యం. భర్తను చంపి భార్యకు అమ్మఒడి ఇస్తారా? కొడుకున చంపి వారి తల్లిదండ్రులకు పెన్షన్‌ ఇస్తారా? ఇలా ఎక్కడైనా ఉందా? ప్రజల ప్రాణాల కంటే ముఖ్యమైన అంశం ఇంకేమైనా ఉందా?’’ అని అచ్చెన్నాయుడు ఎద్దేవా చేసారు.
